नवी दिल्लीत ८ वर्षांचा रणवीर सचदेव ठरला एआय समिटचा सर्वात तरुण वक्ता

नवी दिल्लीतील भारत मंडपम येथे आयोजित 'इंडिया एआय इम्पॅक्ट समिट २०२६' मध्ये ८ वर्षांचा कोडर रणवीर सचदेव आकर्षणाचे केंद्र ठरला. या प्रतिष्ठित सोहळ्यात भाषण करणारा तो सर्वात तरुण वक्ता ठरला आहे. रणवीरने स्वतःची ओळख 'तंत्रज्ञ' (Technologist) म्हणून करून दिली. त्याने प्राचीन भारतीय तत्त्वज्ञान आणि आधुनिक एआय यांमधील संबंधांवर आपले विचार मांडले. तसेच, त्याने विकसित केलेले एक भारतीय एआय मॉडेल सादर केले आणि देशातील एआय साक्षरता वाढवण्यावर भर दिला.